Komisioni Retro

Në 8 Qershor 2020, u themelua komisioni Retro. Fillimisht u shqyrtuan autobiografitë që shoqëruan koleksionizmin dhe restaurimin e mjeteve historike në vendin tonë. U hulumtuan histori personale të qytetarëve të zakonshëm që me portretet e tyre pasqyronin orë të tëra përkushtimi në rijetëzimin e mjeteve të vjetra. Si rezultat i këtyre shqyrtimeve, u përzgjodhën dy koleksionistë si anëtarë të “Komisionit të Vlerësimit të Mjeteve Historike RETRO”, së bashku me ekspertë nga DPSHTRR-ja dhe Ministria e Infrastrukturës dhe Energjisë.

Komisioni Retro përbëhet nga 5 anëtarë, të cilët kanë si funksion kryesor vlerësimin dhe klasifikimin e mjeteve rrugore të hershme duke shqyrtuar kriteret si më poshtë:

• Identifikimi i treguesve teknik të mjetit;
• Shasia dhe Karroceria;
• Motori dhe Kutia e Shpejtësisë;
• Sistemi i ndezjes;
• Disku dhe Gomat;
• Kabina e mjetit;
• Sistemi i Drejtimit;
• Sistemi i Ndriçimit;
• Sistemi i Shikimit Prapa.

Gjatë verifikimit, Komisioni Retro bën gjithashtu vlerësimin dhe klasifikimin e mjetit sipas:

1. Vjetërsisë;            

2. Karakteristikave teknike;           

3. Ruajtjes së formës.