Mercedes-Benz 600 (W100) Limousine 1966

Modeli: Mercedes-Benz 600 W100 Limousine

Prodhuesi: Daimler Benz

Viti i prodhimit: 1966

Zotëruesi:  Drejtoria e Shërbimeve Qeveritare

Vendndodhja: Parku i Delegacioneve, Tiranë

Përshkrim: Mercedesi W100 është një ikonat e automobilizmit botëror. Një makinë e cila veçanërisht është bërë e njohur nga krerët e shteteve por edhe të shumë figurave të famshme botërore ndër vite. Prodhimi i saj filloi në vitin 1964 dhe vazhdoi deri në vitin 1981 ku u prodhuan një total prej 2,677 makinash, nga të cilat 2,190 ishin saloon, 304 Pullman, 124 Pullman me 6 dyer dhe 59 Landauled.
Modeli kishte 2 versione kryesore: një version short-wheelbase (me largësi aksesh të shkurtër), i disponueshëm me një ndarëse në mes ku një xham i trashë i komanduar në mënyrë elektrike ndante pjesën e përparme me atë të pasme të mjetit; dhe një version long-wheelbase (me largësi aksesh të madh) i quajtur Pullman, ku i mundur ishte gjithashtu edhe opsioni i vendosjes së dy sediljeve të kthyera që shikonin nga pas, dhe vetem 304 prej tyre janë ndërtuar ndonjëherë. Ky version i ofruar me 4 ose me 6 porta.
Disa prej W108 kanë qenë Landauled (me një çati cope të hapshme) veçanërisht e përdorur nga qeveria gjermane për vizitën e Mbretëreshës Elizabet II në Gjermani në vitin 1965.
Por e gjithë kjo makinë e cila shpesh konsiderohet si “e tepërt në inxhinieri” për kohën kishte nevojë për një motor të fuqishëm. Në atë kohë Mercedesi prodhoi motorin M100 6.3 litërsh i cili prodhonte 250 kuaj. Ndërkohë një system hidraulik presioni prej 150 bar kujdesej që çdo gjë në makinë të funksiononte si duhet, duke filluar nga bravat e dyerve deri tek suspensionet pneumatike, teknologji këto tepër të rëndësishme për kohën. Dhe si të tilla, nuk mund t’i shpëtonin syrit të disa prej personave më të njohur të atyre viteve si Coco Chanel, Hugh Hefner, Elizabeth Taylor, John Lennon, George Harrison, Karen Carpenter, por edhe të disa nga udhëheqësve si King Khalid Bin Abdulaziz Al Saud of Saudi Arabia, Park Chung-hee, Josip Broz Tito, Nicolae Ceaușescu, Pol Pot, Enver Hoxha, Francois (Papa Doc) Duvalier, Jean-Bédel Bokassa, Emperor Hirohito, F. W. de Klerk, Leonid Brezhnev, Idi Amin, Fidel Castro, Robert Mugabe etj.