Historiku

  • 30-04-2019

    Logo e re e DPSHTRR - 30.04.2019

    Logo e re e DPSHTRR

  • 24-04-2019

    Takimi i parë me koleksionistët e mjeteve Retro

    RETRO - DPSHTRR organizoi në datën 24 Prill 2019, ''RETROPUBLIK' takimin e parë të zhvilluar me Koleksionistët e mjeteve Retro, në ambientet e COD - Center For Openness And Dialogue. Dëgjesë dhe workshop mbi propozime për themelimin e rregullave dhe përmirësimin e akteve ligjore për mjetet me interes historik dhe koleksioni.

  • 23-02-2019

    Krijimi i Retros

    RETRO është projekti i shumëpritur dhe shumëdëshiruar nga mjeshtrat, restauruesit dhe koleksionuesit e ciklomotorave dhe automjeteve të hershme dhe me interes historik. RETRO lindi për të jetëzuar një trashëgimi deri sot pa status dhe për të promovuar e ekspozuar sa më shumë mjete dhe kujtesë automotorizimi me interes historik, si dhe për të ofruar informacione, shërbime dhe lehtësira për këtë aktivitet pasionant me ndjeshmëri kaq të veçantë.

  • 01-06-2002

    Logo e parë e DPSHTRR-së - Qershor 2002

    Logo e parë e DPSHTRR-së - Qershor 2002

  • 21-07-1999

    Krijimi i DPSHTRR

    Krijimi i Drejtorisë së Përgjithshme të Shërbimeve të Transportit Rrugor (DPSHTRR), më 21 Korrik 1999.

  • 12-12-1994

    Librezë e Qarkullimit

    Në fund të vitit 1994 u hoq nga qarkullimi "Leja e qarkullimit të mjeteve", e cila u zëvendësua me "Librezë Qarkullimi".

  • 01-04-1993

    Kontrolli Teknik i Mjeteve

    Në muajin Prill të vitit 1993 pranë degës së Tiranës u hap aktiviteti i Kontrollit Teknik të Mjeteve, një aktivitet ky që aplikohej për herë të parë në vendin tonë.

  • 16-10-1978

    Traktori i parë Shqiptar

    Traktori i parë Shqiptar, tip DT-54, prodhuar nga Kombinati mekanik i Auto-Traktorëve, më 16 Tetor 1978.

  • 11-03-1960

    Formati i patentave viti 1960

    Formati i patentave viti 1960.

  • 01-01-1954

    ZIS 110 B

    Mbërritën në Shqipëri 10 automjete model ZIS 110 B për udhëheqësit kryesorë të partisë.

  • 10-07-1950

    Gara e parë për femra - 10 korrik 1950

    Gara e parë për femra me motoçikleta konsiderohet të jetë zhvilluar më 10 korrik 1950. Itinerari që do të ndiqnin garuesit ishte nga “Shtëpia e fëmijve” deri në Selinë e Ministrisë së Mbrojtjes Popullore. Në këtë garë merrnin pjesë 5 vajza me të njëjtin itinerar, por me 5 xhiro d.m.th 12.5 km. Në përfundim të garës u arritën këto rezultate: e para u klasifikua Myzejen Zepishta, me një kohë prej 11.40″; e dyta Leonora Koraqi, me 12.15″ dhe e treta Parasqevi Kroqi, me 12.58′”. (Marrë nga gazeta “Sport” 15 korrik 1950).

    Burim informacioni: http://www.panorama.com.al/sport/garat-me-motoreburimi i fotografisë : Federata Shqipëtare e Motoçiklizmit

  • 01-01-1946

    Shoqëria "Bashkimi i Transportit Automobilistik të Kamionëve"

    U krijua shoqëria "Bashkimi i Transportit Automobilistik të Kamionëve". Inventari i mjeteve përbëhej nga rreth 300 njësi të tipeve dhe tonazheve të ndryshme. Me këto automjete fillimisht u krijua Parku i Durrësit ku u grumbulluan të gjitha automjetet dhe më vonë me një pjesë të këtyre mjeteve u krijua Parku i Tiranës, Korçës, Skodrës, Elbasanit, Vlorës etj.

  • 07-04-1942

    Leje Qarkullimi për Biçikletë - 1942

    Formati i Lejes së Qarkullimit për Biçikletë e vitit 1942.

  • 04-06-1940

    S.A.T.A. - (Shoqëria Shqiptare e Transportit Automobilistik).

    Më 1940, Fiat krijoi Kompaninë S.A.T.A. (Shoqëria Shqiptare e Transportit Automobilistik), e cila gjatë viteve '40 mundësoi shërbimin e transportit urban në qytetet e Tiranës dhe Durrësit. Modelet e autobuzave ishin: Fiat 626 / RN dhe 626 RNL.
    Burim informacioni:http: //asa.archiviostudiadriatici.it. Fotografia e marrë nga arkiva e istituti kinematografik, Luce: https://www.archivioluce.com/

  • 05-06-1939

    Targë e viteve 1939 - 1944

    Gjatë pushtimit italian, në vitet 1939-1944, në Shqipëri qarkullonin mjete me targa shqiptare, të ngjashme me formatin e përdorur në Itali, me shkrim të bardhë në një sfond të zi. Në rreshtin e parë vendosej emri i qendrës së regjistrimit (qyteti) dhe në të dytin ishte numri, shoqëruar dhe nga shenja dalluese e regjimit fashist. Targa në foto ka dhe mbishkrimin "Shërbim Publik" mbi emrin e qytetit që vendosej si shtesë në disa prej tyre.

    Burim informacioni: http://www.targheitaliane.it

  • 01-01-1939

    Rrjeti Rrugor në vitin 1939

    Rrjeti Rrugor në vitin 1939.

    Pas vitit 1920 filloi ndërtimi i rrugëve Peqin - Elbasan, Elbasan-Lixhë-Gostimë, Librazhd - Peshkopi dhe u bënë përmirësime në disa rrugë të tjera ekzistuese. Deri në vitin 1939 u ndërtuan edhe disa rrugë të tjera automobilistike, si Tiranë - Ndroq - Plazh, Shkodër-Vau i Dejës-Pukë-Kukës , Krujë- Qafështamë-Burrel, Tiranë-Krrabë-Elbasan. Çlirimi e gjeti vëndin tonë me një rrjet rrugor prej rreth 2200 km, të dëmtuara nga lufta dhe me ura të shkatërruara.

    Burim informacioni: Instituti i Transportit

  • 03-02-1936

    Projektligj për kufizimin e importit të automjeteve

    Në dhjetorin e vitit 1935, qeveria shqiptare depozitoi në Parlament një projektligj që parashikonte masa për kufizimin e importit të disa mallrave, ndër të cilat dhe automjetet. Ndalimi i importit të kësaj kategorie argumentohej me faktin se “Numri i veturave sot në Shqipni është i mjaftueshëm për t’i bërë ballë nevojave të vendit dhe mund të quhet i tepruar kundrejt gjendjes ekonomike të sotme”. Miratimi i vendimit në Parlament u bë më 3 shkurt të vitit 1936.

  • 10-05-1932

    Klubi Turistik dhe Automobilistik Mbretnuer - Viti 1932

    Ky dokument hedh dritë mbi ekzistencën e mundshme të Klubit zyrtar Turistik dhe Automobilistik Shqipëtar. Mendohet se Simboli i Klubit është krijuar rreth viteve të monarkisë shqipëtare 1928 - 1939. Duhet theksuar që dhe pse Shqipëria është përmendur në regjistrat e KNAC-së e vitit 1932, nuk ka referenca mbi ekzistencen e një klubi automobilistik Shqipëtar.

  • 01-01-1930

    Mjetet e para për transport mallrash

    Vijnë në Shqipëri mjetet e para për transport mallrash dhe udhëtarësh si dhe u ngrit një bazë e vogël riparuese dhe disa shërbime teknike të cilat u zgjeruan në periudhën e pushtimit në vitet 1939-1944.

  • 07-06-1929

    Patenta e parë

    Leje shoferi (lejedrejtimi), është një ndër dokumentet më të vjetër qe kemi të ruajtur deri më sot, lëshuar më 7 Qershor 1929. Patenta i është lëshuar personit H.B lindur në Durrës.

  • 28-11-1928

    Krijimi i shoqërisë automobilistike "Tirana"

    Në vitin 1928, u krijua shoqëria automobilistike “Tirana", gara e parë me motoçikleta u zhvillua më 28 nëntor 1932, me rastin e 26-vjetorit të shpalljes së Pavarësisë, Tiranë-Durrës e kthim. Garën u fitua nga italiani Massarini, me një shpejtësi 57 km/orë, pas tij Andrea Shkreli.

    Burim informacioni: http://www.panorama.com.al

  • 28-01-1928

    Formati i Statutit të Shoqërisë Profesionale të Korçës - 1928

    Formati i Statutit të Shoqërisë Profesionale të Korçës e të Qarkut "PËRPARIMI" prodhuar - 1928

  • 14-03-1927

    Gara e parë automobilistike

    Në 14 Mars 1927, në Korçë, u organizua gara e parë automobilistike. Gara është organizuar nga "Shoqata e Automobilistëve" në Korçë.
    Foto nga botimi i DPSHTRR-së "80 Vjet Shërbimi i Transportit Rrugor", botimi i viti 2004.

  • 01-01-1926

    Qarkullojnë 483 qerre me motor (mjete)

    Në vitin 1926 numri i qerreve me motor në Shqipëri sipas Prefekturave ishte: Shkodër - 47; Tiranë - 85; Durrës - 70; Elbasan - 25; Berat - 33; Vlorë - 21; Korçë - 119; Gjirokastër - 83. Në total 483 qerre me motor.

  • 01-01-1926

    Shoqata e Transportit 1926

    Në vitin 1926, numri më i madh i qerreve me motor ndodhej në Korçë (gjithsej 119), ku ishte e zhvilluar "Shoqata e Automibilistëve", e cila organizonte gara me makina.

  • 01-01-1924

    Dekret Ligji "Mbi shërbimin e Automobilave dhe të çdo qerreje me fuqi motori"

    Këshilli i Lartë i Shtetit Shqiptar më 10 Prill 1924 miraton Dekret Ligjin "Mbi shërbimin e Automobilave dhe të çdo qerreje me fuqi motori". Sipas këtij ligji "Qerre me fuqi motori quheshin automobilat, motoçikletat, traktorët dhe çdo qerre tjetër me motor që punon në rrugë e sheshe publike dhe nuk ka lidhje me vijat e udhës së hekurt (hekurudha)". Një shtetas për të drejtuar një mjet duhet të ishte i pajisur me Leje Veprimi (Leje Qarkullimi) dhe Leje Shoferi (Leje drejtimi). Mosha e marrjes së lejes ishte 20 vjeç.

  • 01-01-1918

    Rrjeti Rrugor në vitin 1918

    Rrjeti Rrugor në vitin 1918.

    Zhvillimi i rrjetit rrugor nga viti 1912 - 1920, u kararkterizua nga një rënie e dukshme. Nuk ekzistojnë të dhëna të saktä për këtë periudhë.

    Burim informacioni: Instituti i Transportit

     

  • 01-01-1913

    Makina e parë në Shqipëri

    Makina e parë në Shqipëri mendohet se daton në vitin 1913, pronari i së cilës ka qenë shqiptari nga Çamëria F.Sulioti. Automjeti ka qenë i markës italiane Fiat.

  • 01-01-1912

    Rrjeti Rrugor në vitin 1912.

    Fillimi i shekullit XX karakterizohej nga rrugë karvanesh të cilat lidhnin qendrat më të rëndësishme të vendit me bregdetin dhe vëndet fqinje për shkembime tregtare. Rrugët që kalonin nëpër luginat e Shkumbinit, Vjosës , Drinit, Devollit dhe gjatë bregdetit. Në këtë periudhë ekzistonin gjurmë të rrugës Egnatia e cila niste me dy degë, nga Dyrrahu dhe Apolonia, shkonte nëpër Klodiana (Peqin), Skampini (Elbasan), Lyhnidi (Ohri), Heraklea (Manastiri), Edesa , Pella dhe Tesaloniku. Gjatësia e kësaj rruge ka qenë 395 km. Kjo rrugë u zgjat deri në Bizant në shekullin e I të e.r. Shpallja e pavarësisë e gjeti vendin me 160 km rrugë karrosh (Shkodër-Lezhë, Lezhë-Shëngjin, Gjirokastër-Kakavi, Delvinë-Sarandë, Durrës-Tiranë).

    Burim informacioni: Instituti i Transportit