E kush nuk e njeh personazhin më karizmatik të botës së "mjeteve me shpirt" në Shqipëri, Mjeshtrin Medi Halilaj ose Diken, siç është i njohur në komunitetin RETRO!
Një mini dokumentar që zbulon historinë pas punës dhe pasionit të palodhur të Mjeshtrit!
Nga duart dhe mendja e tij janë risjellë në jetë triçikla dhe plot mjete të tjera të vjetra e të veçanta, duke ua rikthyer bukurinë dhe sharmin që i karakterizon mjetet e epokës.
Vigan Karkini, ndër koleksionistët më të mirënjohur të RETRO Albania, vjen posaçërisht në rubrikën RETRO PERSONAZH për të ndarë me ne copëza historie e pasioni Me JEEP-in e tij ushtarak me targa dhe flamur shqiptar, ai ka marrë pjesë në paradën në Alto Adige, Itali me pjesëmarrës nga vende të ndryshme.
Një nga personazhet më të dashura të RETRO, Rejna Kulla, ndau me ne pasionin e saj për mjetet dhe restaurimin e tyre, si edhe për koleksionimin e artefakteve e objekteve historike. Një histori dashurie për mjetet, e nisur që në fëmijëri, e që e ka shoqëruar deri vonë me bashkëshortin dhe bashkëudhëtarin e saj, Gentin. Në javën kushtuar forcës së gruas, #8Mars, Rejna jep mesazhin e fortë që gratë duhet të ndjekin pasionin e tyre, të ecin gjithmonë përpara dhe mos ndalen para pengesave!
Dashurinë për mjetet historike si vlera arti, teknologji, dizajn, mjeshtëri e krijimtari të paharrueshme, në këtë komunitet koleksionistësh shqiptarë, e jetojmë edhe nëpërmjet pasionit e mjeshtërisë së Lorenc Dhima!
I njohur për restaurimet e Fiat-eve më së shumti, por jo vetëm, ndjekim një intervistë të shkurtër me rrëfime personale të tij.
Faleminderit Lorenc për intervistën!
Së shpejti intervista të tjera, me personazhe e karaktere RETRO!
Nuk mund të kalonte kjo periudhë, pa disa biseda të ngrohta e miqësore me personazhe simpatike RETRO!
Gentian Bici, një koleksionist i apasionuar me Volkswagen T2 (1973), na tregon në një komunikim origjinal brenda mjetit të tij, nismën dhe historinë e pasionit për #MjetetHistorike!
Prej 10 vitesh, Enea Dauti, është jo vetëm adhurues i mjeteve të reja dhe sportive, por edhe një koleksionist i apasionuar pas mjeteve të epokës! Nëpërmjet punës së tij, ka importuar disa mjete me interes historik, të cilat i ka rikonstruktuar dhe rishitur në tregun shqiptar.
Pjesë e koleksionit “Retro” të tij janë: Cadillac Eldorado 8.2 i 1970 dhe Lincoln Continental 5.0 i 1979 ndërsa mjeti më i vjetër është modeli Mercedes Benz S Class 220, prodhuar 60 vite më parë, në vitin 1959. N’Timon me Pasion!
Zhani Ziçishti, i njohur për publikun shqiptar si një aktor e artdashës Korçar, na zbulon që pasioni i tij nuk janë vetëm skena e teatrit dhe e filmit, por edhe një "Kuqalashe që peshon 1 ton e 355 kg" siç e përmend dhe vetë ai në intervistë.
Erion Kurti, një sipërmarrës shqiptar, i apasionuar pas turizmit i cili jeton në Itali, zotëron një Fiat 500 me vit prodhimi 1971. Bashkë me pjesëtarët e familjes, arriti t’a restaurojë brenda një muaji gjatë vitit 2018 dhe e quajtën “VITA”. I lidhur me kulturën italiane, Erioni ka vendosur që makina të përfaqësojë këtë stil duke e pajisur me një shportë pikniku në pjesën e pasme të makinës, verë dhe muzikë italiane , duke e veshur Fiatin me dashuri, origjinalitet dhe frymë Retro.
Pershkrim: Mihal Hobdari, i përkushtuar në profesionin e mekanikut për më shumë se 50 vjet, ndan pasionin për mjetet në rubrikën ‘’RETRO Personazh” duke udhëtuar në kujtime.
Jemi ndalur në Show Room “RON” të z. Arben Prrenjasi, një nga koleksionistët më të mirënjohur të mjeteve historike shqiptare!
Brendia e muzeut shumëngjyrësh dhe aromat të kujtonin Shqipërinë e vjetër, epokat historike, ndaj dhe ndjesia ishte si të ishe plotësisht banor i asaj periudhe. Për më shumë ju ftojmë të ndiqni videon.
Falenderojmë z. Prrenjasi që u bë pjesë e #Retro - Koleksioni Shqiptar!
